Bi sedan Lîbyayî li bajarê Binxazî xwenîşandan li dijî hikûmetê kirin û rêberên Lîbyayî şermezar kirin.
Her wiha şer û pevçûn di navbera polîs û xwenîşanderan de çêbûn. Li gor rojnameka Lîbyayî, 14 kes birîndar bûn.
Dîdevan û ajansên nûçeyan radigihînin ku xwenîşander şeva Sêşembî heta Çarşembî li pêş avahiyeka parastinê kom bûn û daxwaza azad kirina berevankarekî dikir.
Medyaya Lîbyayî ragihand ku ew berevankar hat berdan, belê xwenîşandan berdewam bûn û sloganên li dijî hikûmetê hatin bilind kirin.
Belê Medyaya ser bi dewletê ragihand ku piştevanên hikûmetê li Binxazî, Terablusa paytext û bajarên din xwenîşandanê dikin.
Rêberê Lîbyayî Mu'emer Qezafî li sala 1969 û piştî darbeya leşkerî, desthilat kontrol kir.
