Serokê Amerîka Joe Biden îro Şemiyê got, Amerîka dê rêkkeftinên taybet ji bo Ukrayna ku beşdarî hevpeymaniya leşkerî ya NATO bibe, neke, tevî êrişa Rûsyayê.
Serok li nêzîkî Washingtonê ji rojnamevanan re got: "Divê ew heman pîvanan bi cih bînin. Ji ber vê yekê em ê vê yekê hêsan nekin."
Ev şîrove dibin berî ku serokên NATO di meha bê de li Lîtwanyayê bicivin.
Serokê hevpeymaniyê Jens Stoltenberg roja Înê li Brukselê got, di pêngaveke sembolîk de, rêberên hevpeymaniyê armanc dikin ku civîna yekem a Civata NATO-Ukrayna ligel Serok Volodymyr Zelensky li paytexta Lîtwanya Vilnius pêk bînin.
Stoltenberg got, civîn dê li ser masê "ji bo şêwirdarî û biryardana li ser mijarên ewlehiyê" ji Kyiv re cîhek wekhevtir bide.
Lê Stoltenberg anî ziman ku her çend NATO di lûtkeyê de têkiliyên siyasî yên bi Ukraynayê re xurt bike jî, dê li ser endamtiya Kyivê neyê axaftin.
Welatên NATOyê yên li rojhilatê Ewropayê ji bo bidestxistina endamtiyê ji bo Ukrayna nexşerêyek çêtir xwestin, lê hevalbendên sereke yên wekî Amerîka û Almanya nerazî ne ku bêhtirî soza nezelal a 2014an biçin ku tenê digot dê Kyiv rojekê tevlî bibe.
Roja Şemiyê ji Biden hat pirsîn derbarê îdîayên serokê Rûsyayê Vladimir Putin ku Mosko çekên nsvokî di nav hevalbendê xwe û cîranê Belarusê de bi cih kiriye.
Wî got,"Min gelek caran li ser vê yekê şîrove kir. Ew bi tevahî bêberpirsiyarî ye."
Şîroveyên serok bûn di demekê de wezîrê derve Antony Blinken, bijardeya Belarusê ya pejirandina çekan "gurkirina rewşê" binav kir.
Çavkanî: AFP