Dozgerên Swêdî îro Pêncşemê ragihand ku wan dijî bi dehan kesan doz vekiriye ku piştî xwepêşandana Black Lives Matter (Jîyana Reşan Girîng E)) ya aştîyane ya salal borî şer û telihevî derxistine.
Di xwepêşandana Hezîrana 2020ê ya bajarê Gothenburgê de bi deh hezaran kes bi awayekî aştîyane civîbûn û dû re jî bi heman awayî dawî li xwepêşandanê anîbûn.
Lê, girseyeke biçûk bi berdewamî ber bi qada giştî ya navenda Gothenburg meşîbûn û dû re rewş aloztir bûbû.
Dozgerîya Navendî ya Swêdî ragihand ku 36 kes bi tawana zêdekirina tundî û alozîyê hatine sucdar kirin.
Dozgera giştî Elisabeth Trouve ragihand ku ew kes bi lêdana polîsan, avêtine kevir û tiştên din yên ji polîsan re û ji otomobîlên wan re hatine sucdar kirin.
Dîsa, di nava tawanên dijî wan kesan de serîrakirina bi tundî, talan, zarardayîna ambulansan û mulkên derdorê, êrîşên dijî polîsan jî hene.
Tevgera Black Lives Matter di 2013an de li Amerîka hatibû damezirndin û di havîna 2020ê de li seranser cîhanê berfirehtir bûbû.
Piştî mirinên George Floyd û Breonna Taylor girldayî tundîya polîsan li seranser cîhanê xwepêşandanên nerazîbûnê hatibûn darxistin û bi mîlyonên kes beşdarî wan bibûn.