Bloka Aştiyê, ku gelek sazî, dezgehên sîvîl û pîşeyî tê de beşdar in, li Stenbolê jibo protestokirina êrîşa Pirsûsê û operasyonên berdewam xwepêşandanek li dar xist.
Di xwepêşandanê de ji hikûmeta Tirkiyê hate xwestin ku dawî li destwerdana leşkerî ya ser baregehên PKK’ê yên li Başûrê Kurdistanê bîne û operasyonên polîsan yên ser endamên wan bide rawestandin.
Di daxuyaniya Bloka Aştiyê de wiha hate gotin:
“Deshilatdariya heyî piştî têkçûna xwe ya hilbijartinê, dixwaze bi dijderketina destkeninên Kurdên Rojava re têkçûna xwe bi hilbijartineke pêşwext telafî bike û ji şer sûdê bistîne.”
Sekreterê Yekîtîya Pizîşkên Stenbolê (TTB) Dr. Samet Menguç jî got, ‘Her çiqas êş û mirinên me hebin jî gotina me ya pêşî û dawî dîsa aştî ye’.
***
Hêjayî gotinê ye, Hevseroka HDP’ê Fîgen Yuksekdag û endama Şandeya Îmraliyê Pervîn Buldan jî başdarî li xwepêşandanê kir û wêneyên qurbaniyên êrîşa Pirsûsê ji alîyê girse ve hatin hilgirtin.
***
