Ajansa nûçeyan ya Reutersê ragihand ku hêzên Rûsya dê berê xwe bo êrîşan bidin bajarokên Kramatorsk û Kostiantynivka yên Ukrayna.
Reutersê ew agahî ji zarê îstixbarata leşkerî ya Brîtanya ragihand.
Wezareta Berevanî ya Brîtanya da zanîn ku li bajarokên Kramatorsk û Kostiantyvnika dê tundûtûjîyeke giran çêbe.
Wê wezaretê dîyar kir ku hêzên Rûsya dixwazin bi êrîşên muşek û topan asta tundûtûjîyê rakin.
Îstixbarata Brîtanî dide zanîn ku Ukrayna li dora Mariupolê berxwedana xwe didomîne û ew jî dike ku jimareke girîng ya hêzên Rûsya bi tenê li wir şer bikin.