Wezareta Derve ya Çînê îro Înê jiber serdana Seroka Civata Nûneran ya Amerîkî Nancy Pelosi ya Taywanê ambargo li dijî wê ragihand.
"Pelosî, bi vê serdanê bi awayekî cidî destwerdana karûbarên navxweyî yên Çînê kir û bi giranî serwerîya axa Çînê binpê kir. Çîn wê ambargoyên li ser Pelosi û malbata wê ya nêzîk bisepîne," wezaretê got.
Lê, Çînê zelal nekir ku hûrgilîyên wê ambargoyê wê çawa bin. Serdana Pelosi ya vê hefteyê bû sedema hêrs û nîşandana hêza leşkerî ya Pekînê.