Nikolas Cruz, bergumanê êrîşa kujer ya xwendingehe Florîda, ku herî kêm 17 xwendekar tê de hatine kuştin, îro derket pêş dadgehê.
Dadgeha li bajarê Fort Lauderdale, piştî rûniştina yekê ku tê de Cruz bê deng û rûyê wî li xwarê dinêrî, amade bû, biryar da ku ewz bê kefalet li girtîgehê bimîne.
Dozger 17 tawanên cuda yên kuştinkarîya plankirî li dijî Cruz pêşkêş kir ku di dîroka Amerîka de, kek ji êrîşên herî xwîndar li xwendingehên Amerîkî pêk anî.
Li gor karbidestên ewlekarî yên eyaleta Florîda, Cruz jiber reftarên neyênî ji lîseya xwe hatiye dûrxistin. Wî roja Çarşemê gule barandibûn ser xwendekar û mamosteyên lîseya Marjory Stoneman Douglas û bi kêmî ve 17 kes kuştibûn.
Polîs didine zanîn ku bi bawerîya wan Cruz bi serê xwe ew kiryar pêk anîye.
Hêjayî gotinê ye ku mijara êrîşên çekdarî yên komkuj li Amerîka pirsgirêreke civakî ya girîng e gelek kes daxwaza tundkirina kirîn û bikaranîna çekan dikin.