Di Doza Kobanê de li hember Hevserokê Giştî yê HDP’ê yê berê Selahattîn Demîrtaş cezayê herî zêde hate birîn.
Dijî Demîrtaş jî bi îdiaya "alîkarîya têkbirina yekîtî û yekbûna dewletê" 20 sal û bi îdiaya "azirandina kirina tawanan" 4 sal û 6 meh cezayê zindanê hate dayîn. Herwiha, jibo axaftina wî ya di Newroza 2016an de 2 sal û 6 meh, jiber axaftina wî ya 29ê Şubata 2016’an ya li Amed'ê 1 sal û 6 meh ceza hate dayîn.
Dadgehê di rûniştina piştî navberê de hin cezayên nû li dijî Demîrtaş eşkere kirin ku jiber jimareke daxuyanîyên wî, bi îdiaya "propandaya rêxstina terorê" 1 sal 6 meh, 2 sal 30 meh, 3 sal, 1 sal 6 meh, 1 sal, 1 sal 6 meh, 2 sal cezayên din birîn. Bi van cezayên nû bi giştî 42 sal cezayê zindanê li sîyasetvanî Kurd hate birîn û biryar hate dayîn ku ew bi domdarî li zindanê were girtin.
