Li du ragihandina rêveberîya giştî ya saxlemîya Duhokê, di dawî qunaxa pêla 3 ya vîrusa koronayê de, rêjeya tuşbûyan di van çend rojên derbasbûyî da kêmtirîn rêjeye.
Berya mehekê rêjeya tuşbûyên COVID_19 li ser asta herêma Kurdistanê parêzgeha Duhokê, rêjeya herî zor hatibû tomarkirin.
Hemze M Alî , ji rêveberîya giştî ya saxlemîya Duhokê behsa egeran dike û dibêje ku rêjeya nexweşan di nexweşxaneyan de “gelekî kêm bûye û ew pişkinînên têne kirin 5-6 kesan bi helgirên koronayê tên tomarkirin û eve beref dûmahîyêye.”
Ew dibêje egerên kêmbûna tûşbûyan vedgere bo wergirtina vaksînê.
Vîrusa Omicron di rê da ye û piranîya welatên cîhanê amadekarî ji bo berhingarbûna Omicronî wergirtîne.
Li parêzgeha Duhokê taybetmendê vîrusan DR. Arî Hebîb behsa kartêkirina Omicronî û cudahiya wî di gel yên berya niha dike û dibêje ku ciyawazîya wî ji Delta “pêtir guhorînê li ser kojyên pirotênî dike ta ku 32 guhorînan li ser dike û ramanê hindê dide ku gelek zû belav dibe her wek li Afrîqya Başûr destpêkirî û niha jî li Ewrupa.”
Hêjay gotinêye li ser asta cîhanê ta Îro çi çareyên bingehîn nehatine dîtin bo nemana COVID_19, lê bi wergirtîna vaksînê rêgirî lê tê kirin ku bêhtir belav nebe