Erdhejeke pile 6.0 li rojavayê Îranê dixe û di encamê de herî kêm 2 kes jiyana xwe jidest didin û bêhtirî 250 kesên din jî birîndar dibin.
Erdhej û sê lerizînên piştre, li parêzgeha Kermanşah sibeha Yekşemê qewimîn.
Berpirsan got mêrekî 70 salî û jineke ducan bûne qurbanî.
Navenda erdhejê bajarên nêzîkî herêmên çiyayî bûn, di navbera Îran û Îraqê de bi kûraniya 10 kîlometir.
Raportên medyayî dibêjin xelkê Berxdayê hest bi erdhejê kir ku bêhtirî 300 kîlometir dûrî sînorên Îranê ye.
Meha Çirya paşîn a sala borî erdhejeka pile 7.3 li Kermanşah rûda û di encamê de 530 kes hatin kuştin û hezaran kes birîndar bûn.
Di sala 2003an de erdhejeka pile 6.6 li bajarê Bam qewimî û 26 hezar kesan jiyana xwe jidest dan.