Lînkên eksesibilîtî

Breaking News

Li Ekwadorê Ji Ber Xwepêşandanan Rewşa Awarte Li Sê Parêzgehan Tê Ragihandin


Serokê Ekwadorê Guillermo Lasso derengî roja Înê li sê parêzgehan rewşa awarte ragihand, weke bersivekê ji xwepêşandanên hin xwecihî yên ku daxwaza kêmkirina bihayê sûtemeniyê dikin.

Berhemhênera neftê, Ekwador rastî zêdebûna înflasyonê, bêkarî û xizaniyê hatiye ji ber pandemiya koronayê.

Bihayên sûtemeniyê ji sala 2020an ve pir zêde bûne, hema ji bo mazotê ji 1 dolarî heya 1,90 dolarî her gallonek (3,8 lître) duqat dibe û ji bo benzînê jî ji 1,75 dolarî bûye 2,55 dolar.

Xwepêşanderan ji civaka xwecihî ya welêt, ku zêdetirî mîlyonek ji 17,7 mîlyon niştecihên Ekwadorê pêk tine, vê heftê dest bi xwepêşandaneke vekirî ya dijî hikûmetê kir ku ji wê demê ve xwendekar, karker û yên din tevlî bûne.

Xwepêşandanan rê li seranserê welêt girtin, di nav de riyên sereke yên ku diçin Quito ya paytext.

Di dema xwepêşandanan de pevçûn bi hêzên ewlehiyê re derketin û herî kêm 43 kes birîndar bûn û 37 kes jî hatin girtin.

Di bersivê de, biryara Lasso ya Înê dihêle serok hêzên çekdar amade bike da ku aramiyê biparêzin, mafên sivîl rawestîne û qedexeyên derketina derve ragihîne.

Lasso di axaftineke televizyonê de got: "Ez pêgir im bi parastina paytext û welatê xwe...Min banga diyalogê kir û bersiv tundtir bû. Niyaza lêgerîna çareseriyê tune ye."

Xwepêşandan bi giranî li herêma bakurê Pichincha û Cotopaxi û Imbabura hatine kirin.

Hêzên çekdar ên welêt li ser Twitterê "çalakiyên tund ên ku ji aliyê xwepêşanderan ve hatin kirin" li Pastaza şermezar kirin.

Li Quito, nêzî 1,000 xwepêşander hewl dan ku têlên hesin ên bigeha seroktiyê hilweşînin.

Çavkanî: AFP

Şîroveyan bibîne

XS
SM
MD
LG