Rojnamevan û nivîskar Fehîm Işik û şîrovekarê siyasî Umit Firat, ji Dengê Amerîka re hewildanên jibo vegera pêvajoya aştiyê û helwesta aliyan şîrove dikin.
Nivîskar Işik, girîngiya Partiya Demokratîk ya Gelan (HDP) di dawîkirina şer de tîne ziman.
“Hem bi hêza xwe ya parlemanê, hem jî jiber pêkhateyên nav xwe, li Tirkiyê tekane partiya ku dikare jinûve hevdîtinan di nav aliyên şer de bide destpêkirin HDP ye.”
Şîrovekar Firat jî bi bîr dixe, hikûmeta AKP’ê li gor çend salên berê êdî bi başî nêzîkî pirsa Kurd nabe.
“Gelek kes dibêjin, ev siyaseta şer bingeha xwe ji polîtîkayên hikûmetê yên hilbijartinê distîne. Gelo Kurd çima tên vê lîstika hikûmetê û Erdogan? Her çiqas AKP û Serokomar Erdogan bersiva hin daxwazên Kurdan nedin jî, ne baş e ku Kurd jinûve vegerin şerê çekdarî.”
