Kovara aborîyê, Forbes lîsteya dewlemendên cîhanê weşand.
Li gor lîsteya nû, mîna par, îsal jî Jeff Bezos mirovê herî dewlemend yê cîhanê ye.
Bezos, ku avakarê malpera kirîn firotanê ya bi navê Amazonê ye, ji par heta îsal 19 mîlyar dolarên din li hebûna xwe zêde kir û temamê pereyên wî bû 131 mîlyar dolar.
Di rêza duyê ya lîsteyê de avakarê Microsoftê, Bill Gates heye. Gates di salekê de 6,5 mîlyar dolar pereyên xwe zêde kir û bû xwedîyê 96,5 mîlyar dolaran.
Lîstya Forbestê dide zanîn ku di 10 rêzên pêşî de ketina herî mezin ya avakarê Facebookê, Mark Zuckerberg e.
Pereyên Zuckerberg di salekê de 9 mîlyar dolar kêm bûn û daket 62,3 mîlyar dolar.
Di 20 rêzên pêşî yên lîsteyê de 14 hemwelatîyên Amerîka hene.