Lînkên eksesibilîtî

Breaking News

Parlementerê HDP'ê Ferhat Encu Hat Berdan


Parlementerên HDPê Ferhat Encu û Leyla Bîrlîk

Parlementerê Partîya Demokratîk ya Gelan (HDP) yê Şirnexê Ferhat Encu do Çarşemê hat berdan.

Encu ji Mijdara 2016’an vir ve bi tohmeta ‘’endambûna rêxistina terorî’’ û ‘’propagandaya rêxistinê’’ ve girtî bû û ji wî re 22 sal zindan dihat xwestin.

Dadgeha Cezaya Giran ya Şirnexê, serlêdanên parêzerên Encu nirxandin û ew bi şertê kontrola dadî serbest berda.

Rêvebir û parlementerên HDP’ê li pêş Girtîgeha Kocaelî pêşwazîya Encu kirin.

Encu li pêş girtîgehê daxuyand ku ew êdî dixwazin di nav aramî û aştîyê de bijîn.

‘’Em bi vê berdanê kêfxweş nabin. Du hevserokên me, parlementerên me yên din û nêzî 70 bajarvan bi biryarên sîyasî girtî ne. Em dixwazin ew werin berdan û em hemî di nav aştî û aramîyê de li vî welatî bi hev re bijîn’’ Encu got.

Hêjayî bîrxistinê ye, hevserokên HDP'ê Selahattîn Demîrtaş û Fîgen Yuksekdag jî di nav de 11 parlementerên HDP'ê girtî ne.

XS
SM
MD
LG