Partîya Demokratîk ya Gelan (HDP) jiber koça dawî ya Celal Talabanî peyama sersaxî weşand.
"Mam Celal hemî jîyana xwe daye têkoşîna azadîya gelê Kurd û cihê xwe yê birûmet li dîrokê girtîye. Em ji Xwedê dilovanî û jibo malbat û gelê Kurd sersaxî dixwazin," peyama HDP’ê got.
Navenda Giştî ya Partîya Herêmên Demokratîk (DBP) jî peyamek belav kir û tê de got têkoşîna Mam Celal berdewam dike.
"Tevî ku Mam Celal çavên xwe li jîyanê girtibe jî, têkoşîna azadîya ku wî meşandiye, dilê gelê Kurdistanê germ dike, rêka Kurdan ronî dike û hêvîyên wan geş dike.”
Berdevkê HDPê Osman Baydemîr jî xemgînîya xwe ji VOA re ragihandibû û gotibû ku bi mirina Mam Celal 40 mîlyon Kurd xemgîn e.
“Mam Celal ne tenê di nava civaka Kurd de, lê li tevahîya Rojhilata Navîn xwedî dîroekek paqij û mirovekî dîyalogê çareserî bû,” Baydemîr got.