Lînkên eksesibilîtî

Breaking News

Şerên Dijwar li Helebê Didmoin, bi Dehan Serhilda Hatine Kuştin


Fabrîkaya çîmento ya bin kontrola hikûmeta Sûrî Tebax 9, 2016.

Ajansa AP ji zarê hikûmeta Sûrî û bizavkaran radigihîne ku artêşa Sûrî êrîşeke nû ya serhildayan li başûrê rojhilata Helebê şikand û ew neçar kir ku ji xalên xwe yên nû wergirtî paşve bikşînin.

AP dide zanîn ku şerên dijwar li herêmê diqewimin û di operasyona dijî hêzên hikûmetê de El Qaydê ya Sûrî Fetih el-Şam jî di nav de, jimareke grubên opozîsyonê cîh digirin.

Fetih el-Şam berê bi navê Cebhet al-Nusra dihat nasîn, lê di hewleke parastina hêzên xwe ji êrîşên esmanî yên Rûsî de, navê xwe guhertibû û ragihandibû ku peywendîya xwe ji El Qaydê qut dike.

AP bi bîr tîne ku di hefteyên borî de şerê li mezintirîn bajarê Sûrîyê, li Helebê gûrtir bûye û ji her du alîyan gelek kes hatine kuştin.

Gruba Fetih el-Şam roja Yekşemê vîdyoyek belav kiribû ku hêzên serhilda çeperên hikûmetê li nêzîkî karxaneya çîmento, bi tank û hawanan dikin armanc.

Lê, bizavkarên opozisyonê û malperên mîlîtanan îro Duşemê ragihand ku serhildayan û mîlîtanan hember êrîşa hikûmetê neçar mane ku hemî destkeinên xwe li nêzîkî fabrîka çîmento berdin û paşve bikşînin.

Çavdêrîya Sûrî ya jibo Mafên Mirovan (SOHR) ragihand ku di şerê îro de, bi kêmî ve 35 serhilda ji alîyê hêzên Beşar Esad ve hatine kuştin.

XS
SM
MD
LG