Îranê roja Yekşemê 45emîn salvegera Şoreşa Îslamî ya sala 1979'an pîroz kir, di nav kêşeyên ku li Rojhilata Navîn berfirehtir dibin, wek encama berdewamiya şerê Îsraîl û Hamas li Kerta Gazayê.
Bi hezaran Îranî li kolan û meydanên sereke ku bi al, balon û pankartên bi sloganên şoreşgerî û olî hatibûn xemilandin, meşiyan.
Li Tehranê jî girseya gel alayên Îranê hildan, dirûşm berz kirin û pankartên ku sloganên wek “Bimre Amerîka” û “Bimre Îsraîl” li ser nivîsandibûn, hildan.
Hinekan alayên Amerîka û Îsraîlê şewitandin, ku di mîtîngên alîgirên hikûmetê de, pratîkeke hevpar e.
Rêveçûnan ji gelek xalan destpê kir, û li Qada Azadî ya Tehrana paytext li hev kom bûn. Televîzyona dewletê li gelek bajar û bajarokan girse nîşan dan û îdîa kir ku "bi mîlyonan beşdarî mîtîngan bûne" li seranserê welêt.
Di pîrozbahiyê de, kesekî bi paraşûtê ji xwe ji balafirekê avêt û alaya Filistîniyan nîşan da.
Çavkanî: AP