Îranê bang li hemwelatîyên xwe kir ku ber bi Amerîka ve rêwîtîyê nekin.
Wezareta Derve ya Îranê ji malpera xwe ragihand ku Îranîyên li Amerîka ‘’bi awayekî kêfî têne girtin û di desteserkirinê de demên dirêj bi rewşên xirab yên dijî mirovahîyê re rû bi rû dimînin.’’
Di hişyarîya bo rêwîtîyê de bi taybetî ji ji pispor û payabilindan hat xwestin ku heta ne pêwîst be, bo konferansan hatibin dawetkirin jî neçin Amerîka.
Amerîka û Îranê roja Şemîyê hin girtîyên hevdu berdabûn.
Wezîrê Derve yê Îranê Cevad Zarîf roja Duşemê ji Twitterê dîyar kiribû ku ew hazir in ku zêdetir girtîyan berdin û gotibû ku ‘’Niha dora gotinê ya Amerîka ye’’
Girjîya di navbera Amerîka û Îranê de herî dawî jiber ku karbidestên Amerîkî piştgirîya protestoyên li Îranê kiribûn jinûve gur bûbû.