Rêxistina mafên mirovan Amnesty International dibêje ku li Îranê hejmara kuştinên bi darvekirinê kêmtir bûye.
Amnesty bal dikşîne ku hejmara nû bi qanûnên nû peywendîdar e ku nema cezayê mirinê ji tawanên girêdayî madeyên hişbîr tên dayîn.
Amnesty di raporta salane de, îro Çarşemê dide zanîn ku Îranê di sala 2017an de herî kêm 507 kes darve kirine û ew jî 11 ji sedê ji hejmara sala pêştir kêmtir e.
Rêxistinê bal kişand ku Îranê dîsa jî, piştî Çînê, welatê duyê ya li seranser cîhanê ye ku cezayî îdamê bi kar tîne.