Anketên pêşî yên sindoqên hilbijartinê yên Îsraîlê raber dikin ku serketî bi awayekî eşkere dîyar nebûye.
Welatîyên Îsraîlê tevî hilbijartina dawî di du salan de 4 caran çûn ser sindoqan.
Li gor anketên televîzyonên cuda yên Îsraîlê ne Serokwezîrê Îsraîlê Benjamin Netanyahu û alîgirên wî, ne jî komên din li meclîsê piranî bi dest nexistine.
Lê Benjamin Netanyahu ji Twitterê serketina xwe ragihand.
Wî spasîya welatîyan kir û dîyar kir ku piranîya Îsraîlîyan bi awayekî eşkere hikûmeteke bi hêz û rastgir xwestiye.
Serokwezîrê Îsraîlê Benjamin Netanyahu 12 sal in kursîya desthilatê ye.