Îran dibêje du endamên polîs ji aliyê cudaxwazên Ereb ve hatine kuştin di dema nobedariya wan de li başûrê welêt.
Ajansa nîv-fermî ya nûçeyan Fars îro Yekşemê ji ser zimanê efserê polîs Elî Qasimpûr ragihand ku dibêje gurûpa ”terorîst û cudaxwaz” a bi navê Tevgera Tekoşîna Ereb ji bo Rizgarkirina Ehwaz, di paş vê kuştinê de ye.
Herdû polîs doh Şemiyê li parêzgeha Xozistan a başûrê welêt hatine kuştin.
Tê zanîn, meha êlûna sala borî di êrîşekê de li dijî rêveçûneke leşkerî 24 kes hatin kuştin û cudaxwazên Ereb û her wiha gurûpa dewleta Îslamî berpirsiyariya xwe li dor wê êrîşê ragihandin.
Cudaxwazên Ereb, ku car-caran êrîşî boriyên niftê jî dikin, ew hikûmeta Îranê bi neyeksaniya dijî pêkhateya Ereb tawanbar dikin.
Di van demên dawî de jî, xwepêşandanên dijî kirîza abûrî û ziwabûnê li parêzgeha Xozistanê bûn.