Lînkên eksesibilîtî

Breaking News

Endamê DAIŞê yê Amerîkî bi Tevlîbûna Xwe Poşman E


Mohamad Jamal Khweis

Endamê DAIŞê yê Amerîkî ku berî çend rojan xwe teslîmî pêşmergeyan kiribû dibêje, ew poşman e ku tev li wê koma tundrê bûye.

Mohamad Jamal Khweis ji televîzyoneke Herêma Kurdistanê re got, dema wî biryar da ku di destpêka vê salê de here Rojhilata Navîn û tev li DAIŞê bibe, wî bi zelalî nedifikrî.

"Min şaşitî kir ku ligel keçekê çûm Mûsilê… Ez hinge bi başî nedifikrîm," Khweis di hevpeyvînê de got.

Khweis ê 26 salî roja Duşemê li nêzîkî bajarê Şengalê teslîmî pêşmergeyan bibû û ji wê demê heta niha di destê hêzên Kurdî de ye.

Hêjayî gotinê ye, Khweis li Amerîka hatibû dine û li taxa Alexandria ya eyaleta Virginia mezin bûbp.

Dayika wî roja Duşemê ji Dengê Amerîka re gotibû ku kurê wê li Kanada ye û carna wan dibihîst ku ew diçe Tirkîyê.

XS
SM
MD
LG