Koreya Bakur îro Pêncşemê cara yekê belavbûna girse ya nexweşîya COVID-19 pejirand û li seren sere welêt girtineke tevahî ya karantînayê hat ragihand.
Ajansa fermî ya dewletê ragihand ku bûyerên pêşîn yên vîrusa varyanta omicron ya korona 4 roj berê li paytext Pyongyangê hatine tomar kirin, lê ajansê hejmara pêketinan eşkere nekir.
Ajansa dewletê herwiha da zanîn ku serokê welêt Kim Jong-un îro rewşa awarte ya neteweyî dîyar kiriye û soz daye ku wê dawî li belavbûna COVID-19 bîne.
Li gor pîvanên rewşa awarte, bo pêşîgirtina belavbûna vîrusê wê girtinên herêmî û qedexeyên wek kombûna li cihên kar werin xebitandin.
Kim bang li civîneke polîtburoya Partîya Komunîst ya desthilatdar kir ku girtineke tam ya bajar û bajarokan pêk were.
Wî hevdem bang li karmendên saxlemîyê kir ku hewildanên paqijkirinê li cîhên kar û malan zêde bikin û alavên bijîşkî yên di nava gel de belav bikin.
Hikûmeta Koreya Bakur heya niha ti bûyereke COVID-19 ranegihandîye û îda dike ku qet pêketin nehatiye tespît kirin, lê çavder bawer dikin ku vîrus ji demek dirêj ve li wî welatî heye.