Sefîn Dizayî berpirsê têkiliyên derve yên Hikûmeta Herêma Kurdistana Îraqê êvarîya roja Yekşemê li paytext Washington semînarek derbarê rewşa niha ya li Herêmê, Îraq û herêma Kurdistanê pêşkeş kir.
Semênar ji aliyê nûneratîya hikûmeta Herêma Kurdistanê ofîsa Washington hatbû rêxistin.
Dizayî di semînarê de bal kişand ser karên pêşîn yên Hikûmeta Herêmê û got, kabîna nû ya Hikûmeta Herêma Kurdistanê dest bi bernamek bijarde û berfireh kirîye bi mebesta başkirina xizmetgozarîyan bo xelkê herêmê.
Dizayî got, piştî başkirina xizmetgozarî û baş kirina rewşa aborî ya xelkê Herêma Kurdistanê karê wan yê pêşîn dê peyda kirina atmosfêrek baş yê siyaseta navxwe ya Kurdan û partiyên siyasî be.
Herwiha kabîna nû giringîyê dide têkiliyên baş yên di navbera hikûmeta Hewlêrê û hikûmeta Bexda de, weke Dizayî dibêje.
Sefîn Dizayî bi pileya wezîr, weke berirsê têkiliyên derve yên kabîneya nû ya hikûmeta Herêma Kurdistanê hatîye wezîfedar kirin.