Dadgeha Cezayên Giran ya 4’an li Amedê di roja duyê ya dadgehkirina 18 rojnamevanên Kurd de biryara berdanê da.
Piştî pêşkeşkirina berevanîyê rojnamevanan, dadgehê bi şertê kontrola dadwerî biryara berdana rojnamevanên girtî da.
Rojnamevanên ku hatine berdan ev in: hevserokê Komela Rojnamevanan a Dîcle Firatê (DFG) Serdar Altan, edîtorê Ajansa Mezopotamya (MA) Azîz Oruç, berpirsê karên nivîsînê yê rojnameya Xwebûnê Mehmet Alî Ertaş, rojnamevan Zeynel Abidîn Bulut, Omer Çelîk, Mazlûm Dogan Guler, Îbrahîm Koyuncu, Neşe Toprak, Elîf Ungur, Abdurrahman Oncu, Suat Doguhan, Remzîye Temel, Ramazan Gecîken, Lezgîn Akdenîz û Mehmet Şahîn.
Nûçegîhana me ya Amedê Xecîcan Farqîn jî rûniştina doza rojnamevanan şopand û berdana wan şîrove kir.
