Lînkên eksesibilîtî

Breaking News

Esper Dibêje Rêkeftina li gel Talîbanê Baş e lê Bêtirs Nîne


Wezîrê berevaniya Amerîka Mark Esper
Wezîrê berevaniya Amerîka Mark Esper

Wezîrê berevaniya Amerîka Mark Esper îro Şemiyê got rêkeftina agirbestê di navbera Amerîka û Talîbana Afganistanê rê li pêş vekişîna hêzên Amerîka ji Afganistanê vedike lê bêtirs nîne.

Berî ragihandina rêkeftina heft rojan kêmkirina tundutijiyê, Esper got êdî dem e ku derfetek ji bo aştiya Afganistanê bê dayîn.

Axaftina wî hat piştî ku berpirsekî Amerîka gotibû rêkeftinê encam daye û wê nêzîk were cîbicîkirin.

Pêşbîne ku rêkeftin bi awakî fermî roja Yekşemê bê ragihandin û roja Duşemê derbasî warê cîbicîkirinê be.

Esper di konferansa ewlekariya Miyûnixê de got:

“Niha, me pêşniyareka kêmkirina tundutijiyê li ser maseyê heye ku di navbera balyozê me û Talîbanê de hatibû gotûbêjkirin… diyar e soz tê de hene.”

Esper û wezîrê derve yê Amerîka Mike Pompeo roja Înê li Miyûnixê bi serokê Afganistanê Eşref Xenî re kom bûn.

Serok Xenî li dor niyazên Talîbanê biguman e.

XS
SM
MD
LG