Arjantînê roja Yekşemê bo cara sêyemîn Kupaya Cîhanê bi şêwazek awarte bi dest xist, di avêtina golên penaltiyan de 4-2 Fransa têk bir, piştî ku Lionel Messi du gol avêtin ku tîma Arjantînê li hembr Fransa 3-3 bûn, piştî 80 deqîqeyan ku bi saya Kylian Mbappe yeksan bûn, ev yek pêkhat dema ku Arjantîna li hember fransa 2-0 bû.
Hêviya dirêj ya ku Arjantînî li bendê bûn bi dawî bû, û tîma lîstikvanê efsanewî Lionel Messi, roja Yekşemê, bo cara sêyemîn kupa Cîhanî bi dest xist.
Serkeftina Arjantînê li stadyûma “Lusail” ya paytexta Qeterê, Doha pêkhat.
Golparêzê Arjantînê du penaltî vegerandin û Arjantîn bi ser ket.
Arjantîn 6 caran derketiye fînalan li mondyalên Kupa Cîhanê û ev cara sêyemîne ku dibe pehlewana yekê û kupa cîhanî bidest dixe.
Her careke ku Arjantîn gihaye fînalê û kupa cîhanî bidest xistî, li hember tîmeke Ewrupî bûye.
Di sala 1978 de Arjantîn di fînalê de li hember Hollanda bû, û 1986 li hember Almanya bi serket û îsal jî Fransa têk bir. Fransa jî du caran Kupa Cîhanê bi dest xistiye.