Meclîsa Sûrî ya Demokratîk (MSD) li hemû seranser Rêvebirîya Bakur û Rojhilata Sûrîyê semînerên jibo nêzikrina nêrînên û lidarxistina kongreyeke netewî li dar dixe.
Semînera pêncan li bajarê Reqa hate lidarxistin ku xalên misogerkirina hemwelatîbûnê û mafên hemû pêkhateyan li Sûrîya û herwiha pêşxistina sazîyên Rêvebirîya Xweser hatine gotûbêj kirin.
Hevseroka MSD’ê Îlham Ahmed ji Dengê Amerîka re got ku daxwaz ji gelek alîyan tê kirin ku tev li Rêvebirîya Xweser bibin.
Ahmed dîyar kir ku kongreya ku were darxistin wê ji nêrînên van rêzesemînerên bin.
Hêjayî balkişandinê ye ku MSD wê di rojên were de li Tebqa û Dêrezorê semînerên dîyalogê li dar bixe.
