Lînkên eksesibilîtî

Balyozê Amerîka bo Newşîrwan Mistefa ji Goranê re Sersaxî Xwest


Balyozê Amerîkayê yê li Hewlêrê Ken Gross ser koça dawî ya Serokê Giştî yê Tevgera Goran Newşîrwan Mistefa peyameke sersaxiyê weşand.

Ken Gross di peyama xwe de Newşîrwan wek dîroknas, rewşenbîr, pêşmergeyê berê û siyasetmedar da nasîn û jibo malbat û hezkiriyên wî sersaxî xwest.

Ken Gross dîyar kir ku ku hewildanên siyasî yên Newşîrwan Mistefa yên jibo Kurdistana Îraqê û gelê Kurd, nayên jibîrkirin.

Yekîtîya Niştimanîya Kurdistanê (YNK), Partîya Demokrat ya Kurdistanê (PDK) û Partîya Demokratîk (HDP) jî ser Newşîrwan Mistefa peyamên sersaxîyê weşandin.

Newşîrwan Mistefa, di 73 salîya xwe de, do Înê di demjimêr 08:00’en serê sibê li Silêmaniyê koça dawî kir.

Ecumena Parêzgeha Silêmaniyê jibo Serokê Giştî yê Tevgera Goran Newşîrwan Mistefa 3 roj şîn ragihand.



XS
SM
MD
LG