Huner tiştekî romantîk e, lê di nav xwe de hestê herî bilind û naz û tenik yê mirov diyar dibe û dibe zimanê çîroka mirov.
Wisa hunerê dilê hunermend Nûr Cafer bi ser dinê ve vekir û hişt ku xwe tê de bibîne.
Nûr, di sala 1969an de, li gundê Basofanê li herêma Efrînê ji dayik bû.
Di temenê 4 salî de, tevî malbata xwe bar kirin Şamê û li wir bi cî bûn.
Nûr li Şamê û di bin bandora biryarê xwe yê mezin, nîgarkêşî hînbû.
Ji sala 1992'an ta 1996'an ve li navenda hunera ciwan Adham Ismaîl xwendina xwe ya hunerî kir û fêrî hûrbîniyên hunera şêwekarî bû.
Di sala 1996'an de, koçberî Almanya bû û ta roja îro li wir dijî.
Piraniya berhemên Nûr bi rengê avî ne û bêtirî wan li ser Şama kevin e.
"Şam beşek ji dilê min e û hezkirina wê berhemên min geş dike."
Ew, li nava Sûriyê û li derve beşdarî gelek pêşangehan bûye.
Bi hezkirin û bawerî karê xwe dike û dibêje ku huner dikare dilê mirovan zelal bike û wan dûrî nijadperestî û nehezkirinê bixîne.
