Lînkên eksesibilîtî

Breaking News

NY Ser Kuştinên Sivîlên Ukraynî Banga Lêpirsînên Serbixwe Dike


Berpirsa mafên mirovan ya Neteweyên Yekbûyî (NY) Michelle Bachelet

Berpirsa mafên mirovan ya Neteweyên Yekbûyî (NY) Michelle Bachelet îro Duşemê ser kuştinên zêdetirî 400 sivîlên li Bucha û heremên din yên li derveyî paytexta Urayna Kîevê, banga lêpirsînên serbixwe û bi bandor kir.

"Pêdivî ye ku hemî hewil werin kirin da ku lêpirsînên serbixwe û bi bandor ser tiştên ku li Bucha qewimîye, were kirin da ku rastî, dadmendî û berpirsîyarî were peyda kirin û herwiha tazmînat û çareserîya qurbanîyan û malbatên wan," Bachelet got.

Michelle Bachelet di daxuyaniyekê got ku ew "ji dîmenên sivîlên kuştî yên li kolanan û di gorên serpeyî de xofdar bûne.

Wî bi berdewamî dîyar kir ku nûçeyên ku ji Bucha û heremên din têne ragihandin pirsên cidî û fîkarên girîng derdixin pêş; di derbarê îhtîmala tawanên şer, binpêkirinên giran yên hiqûqa mirovahî ya navneteweyî û binpêkirinên cidî yên qanûnên mafên mirovan yên navneteweyî .

Bachelet destnîşan kir ku pêdivî ye ku hemî term werin derxistin û nasnameyên wan were tespît kirin da ku malbatên qurbaniyan agahdar bibin û sedemên rastîn yên mirinên wan werin dîyar kirin.

Wê herwiha da zanîn ku jibo parastina delîlan divê hemî tedbîr werin girtin.

XS
SM
MD
LG