Artêşa Îraqê îro Sêşemê ragihand ku di encama êrîşeke bi firokên bêmirov (dron) ya Tirkîyê de 2 endamên ewlehîya sînor ya artêşa Îraqê û ajotvanê maşîneya ku ew tê de bûne, hatine kuştin.
Artêşê di daxuyanîyekê de ragihand ku êrîş li herema Sidakan ya bakurê rojhilata Îraqê, li nêzî sînorê Tirkîyê û Îranê pêk hatiye.
Artêşê êrîş wek kiryareke destdirêjîya dijî serwerîya Îraqê bi nav kir, lê artêşê ti agahdarîya din ya berfireh neda.