Di demekê de ku Amerîka hewil dide dorpêçeke deryayî li ser Îranê bisepîne û fikarên li ser têkçûna agirbestê zêde dibin, Wezîrê berevanîyê yê Pakistanê Xewaca Asif roja Duşemê got ku di hevdîtinên di navbera Îran û Wîlayetên Yekbûyî de pêşketinên erênî çêbûne û hîn jî hevdîtinên din mimkun in.
Wezîrê Pakistanî got ku di derbarê hevdîtinan de nûçeyên erênî hatine wergirtin, ku ev ji bo aramîya herêmê baş e, û tê pêşbînîkirin ku gereke nû ya hevdîtinan di demek nêzîk de dest pê bike.
Hevdîtinên Îslamabadê, ku roja Şemîya borî hatin lidarxistin, bê encam bi dawî bûn, û agirbesta du hefteyan xist metirsîyê.