Wezîra Berevanî ya Amerîka (Pentagon) ragihand ku hêzên Amerîkî bi Hêzên Sûrîya Demokratîk (HSD) re jinûve dest bi nobedarîyên hevbeş kirine.
Pentagonê bi bri xist ku hêzên Amerîkî jiber êrîşên Tirkîyê yên li bakurê Sûrîyê ew nobedarî bo demekê rawestandibûn.
Amerîka, HSD’ê di têkoşîna dijî Dewleta Îslamî (DAIŞ) de wek hevkareke girîng dibîne ku Yekîneyên Parastina Gel (YPG) pêşengîya wê dike.
Tirkîye îdia dike ku YPG û Partîya Karkerên Kurdistan (PKK) wek hevdu rêxistinên terorîst in û ji Washingtonê dixwaze ku peywendîyên xwe yên bi wan re bibire.
Fermandarên HSD’ê di rojên borî de dîyar kiribû ku êrîşên Tirkîyê zararê didin têkoşîna dijî DAIŞ’ê û ji Washingtonê xwestibûn ku dijî êrîşên Tirkîyê helwesteke tundtir nîşan bide.