Wezîrê Derve yê Amerîka Mike Pompeo hikûmeta Belarûsê ser hewildana dersînorkirina bizavkara rikeberîyê Maria Kolesnikova rexne kir.
Mike Pompeo da zanîn ku ew û hin welatên din nirxandinan dikin ku dijî Belarûsê toleyan ragihînin.
‘’Em wêrekîya Kolesnikova û gelê Belarûsê, ku dijî fişar û tundûtûjîya nerêwa ya karbidestên Belarûsê, êrîşên polîsan yên dijî xwenîşanderan, di 6’ê Îlonê de desteserkirina bi sedan xwenîşanderan û revandinan, bi awayekî aştîyane dixwazin ku rêberên xwe bi azadî û dadmendî hilbijêrin, teqdîr dikin.’’ Pompeo got.
Wî da zanîn ku ew dixwazin ku bi toleyên dibe ku werin ragihandin, kesên zext kirine û mafên mirovan binpê kirine werin ceza kirin.
Endamên rikeberîyê, Anton Rodnenkov, Ivan Kravtsov, tevî Kolesnikova roja Duşemê hatibûn desteser kirin.
Rodnenkov û Kravtsov ji Ukrayna îdia kiribûn ku hêzên ewlekarîyê ew roja Sêşemê birine sînorê Belarûs û Ukrayna û ji wan xwestine ku sînor derbaz bikin.
Wan dabû zanîn ku ew hatine dersînor kirin, lê Kolesnikova bo derbazî Ukrayna nebe pasaporta xwe çirandiye.