Serokwezîrê Almanya Olaf Scholz bang li Serokê Rûsya Vladimir Putin kir ku li Ukrayna agirbesteke demûdest ragihîne.
Berdevikê hikûmeta federal ya Almanya Steffen Hebestreit dîyar kir ku Scholz û Putin bi rêka telefonê bi qasî saetekê axifîne.
Hebestreit da zanîn ku Scholz ji Putin re gotiye ku agirbestek demûdest bo çareserkirina kêşeyên însanî û rêkên dîplomasîyê hewce ye.
Moskowê jî ser danûstandina Putin û Scholz daxuyanîyeke nivîskî belav kir.
Li gor daxuyanîya Kremlînê, Putin gotiye ku artêşa Ukrayna bi muşekan êrîş biriye ser Donetsk û Makiivka, li wan bajaran sîvîl kuştine, lê Rojava naxwaze wê tawana şer bibîne.
Kremlîn dide zanîn ku Putin dê îro Înê bi Serokomarê Fransa Emmanuel Macron re jî biaxife.