Ajansa Reutersê îro Înê ragihand ku Washington û Doha hevbîr bûn ku Qatar dê li Afganistanê nûnertîya dîplomatîk ya Amerîkayê bike.
Heman jêder dîyar kir ku li ber e îro di navbera Amerîka û Qatarê de peymanek were îmza kirin ku Qatar wê li Afganistanê berjewendîyên Amerîkî biparêze û bibe kanala danûstandinê ya navbera Washingtonê û hikûmeta Talîbanê ku Amerîka bi fermi nas nake.
Karbidestekî payebilind yê Amerîkî ji Reutersê re got ev biryar piştî şerê 20 salan ya navbera Washington û Kabulê, gaveke gîrîng e ku du navnera du alîyan de peywendîyên dîplomatîk destpê bikin.
Hêjayî balkişandinê ye ku Amerîka û welatên Ewrupî jî di nav de, gelek dewletên cîhanê xemsar in ku Talîbanê nas bikin, bi sedema ku ew hemî civata Afganî hembêz nake û mafê jinan binpê dike.