Lînkên eksesibilîtî

Breaking News

Serdana Erdogan ya Rûsya li Tirkîyê Çawa tê Nirxandin?


Serokomarê Tirkîyê Recep Tayyîp Erdogan roja Sêşemê çû Rûsya û bi hevtayê xwe Vladimir Putin re hevdîtin pêk anî.

Her du serok li Moskowê serdana Pêşangeha Esmangerîya Navnetewî ya MAKS 2019 kirin û Erdogan ji Putin pirsa firokên SU-57 kir.

Di van hevdîtina de hate ragihandin ku Putin li Sûrîyê pêkhatina ‘devera ewle’ girîng dîtîye û her du li ser babeta Îdlibê û tevahîya kêşeya Sûrîyê rawestîyane.

Rojnamevan Kemal Avcı serdana Erdogan balkêş dibine û mesajên ku hatin dayîn girîng dinirxîne.

“Jibo ku di vê pêşangehê de Erdogan dema balafira SU-57 bi Putin re temaşe dikirin, got ku ewê wê firokê bikirin. Ev yekser F-35’ên Amerîkî tîne bîra me. Bi nêrîna min Erdogan bi van gotinan mesaj da Amerîka.”

Avci bi berdewam dibêje ku Erdogan û Putin gelek samîmî dixuyan û ew yek jî nîşan dide ku Erdogan dixwaze peywendîyên bi Putin re xurtir bike.

“Erdogan hem ji alîyê danûstandinên leşkeri û hem jî ji alîyê aborî de dixwaze ligel Rûsya têkilîyên xwe xurt bike, lê ev jibo Tirkîyê baş e yan ne, pêşeroj dê dîyar bike.”

Avci bal dikşîne ku di mijara Sûrîyê de nakokîyên di navbera Tirkîyê û Rûsya de hîn çareser nebûne.

please wait

No media source currently available

0:00 0:03:01 0:00

XS
SM
MD
LG