Piştî êrîşên dawî yên rêxistina terorîst Daişê li Îraq û Herêma Kurdistanê, serokwezîrê Herêma Kurdistanê Mesrûr Barzanî banga hevrêziyeke baştir di navbera hêzên ewlekariya Îraqê û Herêmê de kir, jibo rawestana çalakiyên çekdarên gurûpê.
Berpirsên Îraqê û şîrovekar dibêjin kêmbûna hevrêziyê di navbera her du aliyan de li deverên cihê nakokiyê derfetekê didin Daişê ku xwe li wir bi hêz bike û êrîşan pêk bîne.
Berpirsên leşkerî yên Rojavayî dibêjin herî kêm 10.000 çekdarên Daişê hîn li Îraq û Sûriyê hene.
Hevrêziyeke çawa dikare bibe di demekê de ku Bexdad û Hewlêrê bi xwe li dor van deveran nakok in?
Hebûna Daişê li wan deveran çiqas bihêz e û jêderên geşbûna wê çi ne?
Hikûmeta Îraqê di vê derbarê de çi plan hene?
Amerîka ku beşekî sereke ji hebûna xwe li Îraq û Sûriyê bi têkbirina Daişê ve girê dide, dikare çi bike û pêwîst e roleke çawa bilîze?
Bernameya Hest û Helwest bi beşdarbûna du mêvanan ronî dide ser vê mijarê:
Hawar Nêrweyî, mamosteyê zanîngehê li Herêma Kurdistana Îraqê ku li Duhokê dimîne û Hikmet Bamernî, şîrovekarê siyasî ku li wîlayeta Virginia dimîne.
Jibo guhdarîkirina li bernameyê fayla deng veke
