Karbidestekî Wezareta Derve ya Sûrîyê ji ajansa fermî ya bi navê SANA re ragihand ku ew peymana Amerîka û Tirkîyê red dikin.
Washington û Enqerê bo bakurê Sûrîyê li hev kiribûn ku herêmeke ewle çêkin.
Karbidestê Sûrî, ku navê wî nehat eşkere kirin, da zanîn ku Amerîka û Tirkîye bi çêkirina herêma ewle bi awayekî eşkere êrîşî yekîtîya axa Sûrîyê dikin.
Endamê Komîteya Rêvebir ya TEV-DEM’ê Aldar Xelîl jî ji AFP’e re da zanîn ku peymana Washington û Enqerê ‘’rêyeke nû’’ çêkiriye, û dîyar kir ku divê detayên wê jî zelal bibin.