Aliyên siyasî yên Kurdên Sûrîye berdewamin liser pêkanîna danûstandinan bo gehîştina bi rêkxistîn û yek helwestê derbarî pirs û hevrikîyên deverên Kurdan li bakur û bakurê Rojhelata Sûrîye.
Piştî pitir ji salekê ji yekem hewlên Frensa li sala 2019, careka din Frensa û Amerîka piştevaniya hewleka nû digel ENKSê û PYDê dike.
Ligor daxuyanîya karbidestên herdû aliyan heta niha pêngavên baş hatine havêştin lê helbet encama dawîyê girîng e, bi taybet piştî Tirkiye dest bi daxuyanîyên dijî herdû aliyan dike ku ew rê venakin bo peydabûna devereka weko dibêjin “Terorê”.
Bernamê Tîrêj zêdetir liser vê mijarê rawesta digel şirovekarê siyasî Dr. Zara Salih. Birêz Salih da zanîn ku girîng e komîteka şarezayan hebe bo alîkarîkirina serxistina danûstandianan.
