Artêşa Tirkiyê û Çekdarên Girêdayî Wê Dîsa Gundên Rojavayê Girêsipî Topbaran kirin.
Gundên Korhesen, Zenûbiya, Sewan, leqleqo, Xirbialboger, Qizalî û Bîrzinar hatin topbarankirin
Dengê Amerîka li gel fermandarê Meclisa Leşkerî ya Girêsipî Riyad Xelef peywendî kir, Xelef da zanîn ku gundên hatin topbarankirin hemî têde sivîl dijîn û wî diyar kir ku tenê sivîl dibin qurbaniya topbaranê û herwiha ziyana medî jî li mal û milkê sivîlan dibe .
Tê zanîn ku pîştî vekşîna hêzên Amerîkî ji devera Girêsipî û hewrdora wê, hêzên Rûsî û yên Sûrî wek garantorê agirbestê ketin deverê û li ser eniya şer di navbera HSD û Tirkiyê de belav bûn.
Li gor fermandar Xelef ku di encama topbarana Tirkiyê de leşkerekî rêjîma Sûriyê hat kuştin, lê ne hêzên Rûsî û ne jî yên Sûrî bersîva topbaranê da.
Xelef bal kişand ku ev ne cara yekê ye ew dever dibe armanca Tirkiyê û girûpên çekdar, û li gor wî ku Rûsya ti caran bi erka garantoriya agirbestê ranebû ye .
Hêjaye gotinê ye ku bi dehan gundên têde sivîl dijîn li seranserê xeta di navbera HSD û Tirkiyê de hene, û ev gund bi berdewamî ji aliyê Tirkiyê û girûpên çekdar ve tên topbarankirin.
ji bo guhdarîkirina li raportê fayla deng veke
