Lînkên eksesibilîtî

Breaking News

Armanj : Di Nîgarkêşiya Kesan De Hestên Veşartî Diyar Dibin


Naveroka hunerê li ser hest û dîtinê ava dibe, ji ber wê herdem huner neynika mirovan e, ku bi rêka hunerê kesyatî, hestyarî û ramanên mirov tên ber çavan, bi reng û xêzên destên hunermendan.

Armanj Armanj ( Beşîr Mislim) yek ji wan hunermenda ye, ku bi nîgarkêşiya riwê kesan, behreya xwe diyar dide û di heman demê de jî hestê wan kesan ron û zelel dike.

Aramanj ji gundewarê Kobanê ye , gundê "Tillik" e, ku di salal 1980'ê de ji dayik bûye.

Ji ber rewşa xizaniyê û zoriya jiyanê, tevî malbata xwe li bajarê Reqayê bi cî bûn.

Armanj ji zaroktiya xwe dest ji xwendiyê berda ji ber rewşa malbata wî ya abûrî û ji zaroktiya xwe dest bi kar kir bo alîkariya malbatê bike.

Li bajarê Reqa, Armanj bala hin hunermendan kişand ji Kurd û Ereban, û hino hino wî şûna xwe di nav tevgera hunerî de li Reqa girt.

Di sala 1995'an beşdarî festîvala hunerî ya mûzexana Taha el-Taha bû, û ji wê demê ve beşdarî gelek çalakiyên din bû li nav bajêr û dervî wî.

Ji ber Şerê Sûriya , Armanj li Tirkiyê bi çî bû, lê rewşa jiyana wî zor û dijwar bû, ta ku li herêma Kurdistanî bi cî bû û ta roja îro li Hewlêrê dijî.

Armanj li ser kolanan, wêneyên kesan nîgar dike û dixwaze ku huner li ser kolanan belav bibe, ew pêşangehek bê cî ye, li her derê mirov dikare tabloyên wî temaşa bike.

Bi hêviyek mezin, Armanj qunaxek dirêj ji zor û astengiyan derbas kir û nuha li benda paşeroja xwe ye ku derfeta xwe bibîne û behreya xwe ya hunerî bi her kesî re par veke.

please wait

No media source currently available

0:00 0:15:23 0:00

Nêrîna Te

Şîroveyan nîşan bide

XS
SM
MD
LG