Lînkên eksesibilîtî

Breaking News

Dr. Bextiyar Hisên Behsa Koronayê li Bakur û Rojhilatê Sûriyê Dike


Bi nêzîkbûna zivistanê û hatina sermayê re, metirsî heye ku vîrusa koronayê careke din û bi awayekî bihêztir vegere û kirîzeke din a tenduristî û abûrî derxe pêş.

Li Bakur û Rojhilatê Sûriyê jî, ku derfet û alavên parastina ji vîrusê kêm in û pêgirî jî bi awayekî rasterast bi pîvanên saxlemiyê nabe, ew metirsî hîn bêhtir dibe, bi taybetî di van demên dawî de, ku hejmara keysên koronayê bilind bûye.

Pizşîkê birînsaziyên giştî, Bextiyar Hisên di hevpeyvînekê de li gel Dengê Amerîka behsa belavbûna vîrusê li herêma Bakur û Rojhilatê Sûriyê kir.

Wî got "Ev bû du hefte ne ku hejmara nexweşên koronayê zêdetir dibe. Li Bajarê Kobaniyê 4 kesan di du hefteyên borî de jiyana xwe ji dest dan.Tixtor û tîmên tenduristî gelek pê ketin lê hejmareke mezin ji wan baş bûn."

Hisên ku li bajarê Kobaniyê dimîne, got "amadebaşî û kerentîna ku di demên seretayî de hatî pêkanîn, gelekî baş bûn, lê pêgiriya xelkê bi wan pîvanan her ku çû qels û lawaz bû."

Ew dibêjeو desthilatdar jî nikarin bi awayekî tund wan pîvanan bisepînin, ji ber ku ew naxwazin rê li karê xelkê bigrin û bi darê zorê wan di nav malên wan de bihêlin.

please wait

No media source currently available

0:00 0:07:12 0:00


Şîroveyan bibîne

XS
SM
MD
LG