Tirkîyê, pêşnîyaza Fransa ya bo navbeynkarîya di navbera Enqere û Hêzên Sûrîya Demokratîk (HSD) de red kir.
Berdevkê Serokomarîya Tirkîyê Îbrahîm Kalin ji Twitterê ragihand ku pêşnîyaza Serokomarê Fransa Emanuel Macron ‘’dûrî cidîyetê’’ ye.
Macron do Pêncşemê bi Kurdên Sûrîyê re kom bûbû û piştî civînê Qesra Elysee dîyar kiribû ku Macron dixwaze bi piştgirîya civaka navneteweyî di navbera HSD û Tirkîyê de dîyalogekê bide destpê kirin.
Kalin dîyar kir ku helwesta Tirkîyê ya dijî HSD’ê eşkere ye û bi ti awayî ‘’bi rêxistinên terorî re dîyalogê nakin’’
Karbidestê Tirk, bang li hevalbendên xwe kir ku dijî hemî cûreyên terorê helwesteke zelal nîşan bidin.
Amerîka û welatên rojava bi Yekîneyên Parastina Gel (YPG) û HSD’ê re di têkoşîna dijî Dewleta Îslamî (DAIŞ) de hevkarîyê dikin, lê Tirkîye wan rêxistinên terorîst dihesibîne.