Lînkên eksesibilîtî

Komîsyona Parlemana Tirkîyê Rakirina Parlemantarîya Leyla Zana Xwest


Komîsyona Têkel ya Meclîsa Tirkîyê, ku ji endamên komisyona qanûna bingehîn û dadê pêk tê, xwest ku qanûndanêrîya Parlemantara Partîya Demokratîk ya Gelan (HDP) ya Agirîyê Leyla Zana were rakirin.

Komîsyona Têkel, bi sedema ku Leyla Zana bi berdewamî beşdarî civata giştî ya parlemanê nebûye, bi piranîya dengan xwest ku parlemantarîya wê were rakirin.

Biryara komisyonê ya bo rakirina parlemantarîya Zana dê bo dengdanê here meclîsê. Ger civata giştî ya parlemanê jî wek komîsyonê deng bide, bi 276 qanûndanêrîya Zana dikare bê rakirin.

Meclîsê Tirkîyê, berê bi heman rengî qanûndanêrîya parlemantarên HDP’ê, Tugba Hezer Ozturk, Besîme Konca, Faysal Sariyildiz, Nursel Aydogan û Fîgen Yuksekdag rakiribû.

Hêjayî bîrxistinê ye, hevserokê HDP’ê Selahattîn Demîrtaş jî di nav de, 9 parlemantarên wê partîyê girtî ne.

Nêrîna Te

Şîroveyan nîşan bide

XS
SM
MD
LG