Wezîrê Derve yê Tirkîyê Mevlut Çavusoglu îro Sêşemê kêfxweşîya xwe ya ser peymana sekinandina şer li Qarabaxê dîyar kir.
Çavusoglu got ku ew peyman serketineke pîroz e û ji Azerbaycanê re destkeninên girîng anîne.
Tirkîyê, ku endama NATO ye, piştgira serekî ya Azerbaycanê ye çavdêrên leşkerî bal dikşînin ku dronên Tirk di şerê navbera Azerî û Ermenîyan de roleke girîng lîstiye.
Serokê Azerbaycanê Îlham Alîyev jî got ku daxuyanîya agirbestê jibo wan xwedîyê girîngîyeke dîrokî ye.
“Ev agirbest teslîmbûna Ermenîyan e û dawî li dagirkerîya saelîn dirêj yên Ermenistanê tîne,” Alîyev got.