Lînkên eksesibilîtî

Breaking News

Serokê Herêma Kurdistana Îraqê Barzanî bi Serokê Tirkîyê Erdogan re Civîya


Serokê Herêma Kurdistana Îraqê Nêçîrvan Barzanî, ku ligel şandeyeke hatibû Enqerê, bi Serokê Tirkîyê Recep Tayyîp Erdogan û Wezîrê Karê Derve Mevlut Çavuşoglu re hevdîtin çêkir.

Di şandeya Kurdên Îraqê de serokê diwana seroktîya Herêma Kurdistanê Fevzî Herîrî, rêvebirê Serokê Herêma Kurdistanê Kerîm Sengalî, berpirsê peywendîyên derve ya Herêma Kurdistanê Sefîn Dizeyî û şêwirmendê bilind yê serokê Herêma Kurdistanê Felah Mistefa cîh girtin.

Jêderên Herêma Kurdistana Îraqê ragihand ku Barzanî û Çavuşoglu ser peywendîyên aborî û têkoşîna dijî vîrusa korona peyîvîne û Çavuşoglu dijî belavbûna korona soza şandina alîkarîya bijîşkî daye Herêma Kurdistana Îraqê.

Çavuşoglu ji hesabê xwe yê Twitterê got ku ew bi Barzanî û şandeya bi wî re, di serî de derbarê têkoşîna dijî Partîya Karkerên Kurdistan (PKK) ser peywendîyên dualî peyivîne.

Barzanî, piştî wê hevdîtînê li avahîya seroktîyê bi serokê Tirkîyê Recep Tayyîp Erdogan re civîneke ji ragihandinê re girtî pêk anî.

Di kombûnê de ku nêzî 75 deqe domand, ser mijarên wek aborî, bazirganî û terorê hatine peyîvîn.

Seredana Barzanî di medyaya Tirkîyê de jî cîyekî fireh girt. Li Bexdayê piştî hevdîtina Barzanî û Serokomarê Fransî Emmanuel Macron li Tirkîyê bûbû sedama nîqaşan.

Li gor qulîsên Enqerê, piştî vê civînê Barzanî ji alîyê Erdogan ve hatiye bang kirin û her du ser hevdîtina bi Macron re sekinîne.

Barzanî û şandeya bi wî re, piştî hevdîtina bi Erdogan re derbazî Firîngeha Esenbogayê bûn û zivîrîn Herêma Kurdistanê.

please wait

No media source currently available

0:00 0:02:02 0:00

XS
SM
MD
LG