Serokê Amerîkayê Donald Trump hişyarî da Kubayê ku divê "peymanekê pêk bînin" an jî dê bi encamên nediyar re rû bi rû bimîne. Trump got ku ewê şandina petrol û pereyên Venezuelayê bo Havanayê rawestîne.
Roja Yekşemê, 11 Çile 2026'ê, Trump li ser Truth Social nivîsand: "Êdî petrol û pere bi yekcarî naçin Kubayê," dîsan dibêje, "Ez bi cidî pêşniyaz dikim, berî ku pir dereng be peymanekê pêk bînin."
Trump destnîşan kir ku Kuba bi salan zêde bi petrol û pereyên Venezuelayê debara xwe kiriye û "di şûna wê de ji bo du dîktatorên dawî yên Venezuelayê, Maduro û Chavez, xizmetên ewlehîyê peyda kirine", wî got lê: "Ew serdem bi dawî bûye." Wî her wiha gotbû ku Venezuela êdî ne hewceyî "gerîla û serbiran e," ku bi salan gelê welêt dîl girtine.
Ev şîroveyên Trump hefteyekê piştî destpêkirina operasyoneke şevê ya hêzên Amerîkî li Karakasê tên; ku serokê Venezuelayê Nicolas Maduro jiber bazirganîya madeyên hişbir, tepeserkirina gelê venezuelayê û dijatîya Amerîkayê hat girtin û ew anî Amerîka jibo dadgehkirinê.