Serokê Amerîka Donald Trump ser êrîşên li Teksas û Ohio got ku sedema wan ya sereke lîstikên vîdeoyê yên bi tundûtûjî û problemên di hiş de ye.
Trump li Qesira Sipî ser nijadperestî, tundrêbûn û mezinkirina sipîyan dîyar kir ku ew ‘’îdeolojîyên şeytanî’’ ne.
Wî da zanîn ku divê ew îdolojî werin têk birin.
''Neteweya me divê bi yekdengî nijadperestîyê, tundrêbûnê û fikra ku sipîyan mezintir dibîne şermezar bike''
Di êrîşên li Teksas û Ohio de 29 kes hatibûn kuştin û ji wan 6 kes hemwelatîyên Meksîko bûn.
Serokê Amerîka di axaftina xwe de bo Meksîko jî sersaxî xwest.
Piştî êrîşên li Teksas û Ohio, Demokratan ser kuştinan Trump tawanbar kiribûn.
Demokratan dîyar kiribûn ku Trump bi gotinên xwe tundrêbûn û nijadperestîyê gur dike.